Գյումրիի օդային ավազանում առկա փոշու թույլատրելի սահմանաչափը բարձր է
Հունիս 15,2024 17:00
Փոշին օդի աղտոտիչների ցանկում գլխավոր տեղ է զբաղեցնում: Ամռանը, երբ օդի ջերմաստիճանը բարձր է, իսկ խոնավությունը՝ նվազ, առավել բարձր է փոշու հետևանքով մթնոլորտի աղտոտվածության աստիճանը:
Գյումրիում դա առավել զգալի են դարձնում նաև կենտրոնական հատվածում պակասող կամ սակավ կանաչ գոտիները, իսկ փոշու գլխավոր աղբյուրն իրականացվող փողոցաշինական կամ շինարարական այլ աշխատանքներն են: Դրանց ազդեցությունը մեղմելու աշխատանքները քաղաքում տեսանելի չեն, սակայն ոչ մաքուր օդի հետևանքով մարդու կյանքի որակին ու առողջությանը սպառնացող գործոնները բազմաթիվ են:
