Իրանի հայ խորհրդարանականները շնորհավորել են Փեզեշքիանին նախագահի ընտրություններում հաղթանակի առիթով
![](https://regiontv.am/wp-content/uploads/2024/07/444444-4.jpg)
Իրանի խորհրդարանի (Մեջլիս) հայ խորհրդարանականները շնորհավորել են Մասուդ Փեզեշքիանին Իրանի նախագահական ընտրությունների երկրորդ փուլում տարած հաղթանակի առիթով, տեղեկացրել է Mehr-ը։
Իրանի հայ խորհրդարանականներն ընդգծել են, որ կառավարական պաշտոնյաների համագործակցությունը եւ սիներգիան միմյանց հանդեպ կապահովեն լուսավոր ապագա երկրի ժողովրդի համար։
«Խորհրդարանականներ Արա Շահվերդյանը՝ Թեհրանում հայ-քրիստոնեական կազմակերպության ներկայացուցիչը, եւ Մանսուրյանը՝ հայ-քրիստոնեական կազմակերպության ներկայացուցիչը Սպահանում եւ Հարավային Իրանում, շնորհավորել են Մասուդ Փեզեշքիանին Իրանի Իսլամական Հանրապետության 9-րդ նախագահի պաշոնում ընտրվելու առիթով։
Իրանի հայ համայնքը ցանկանում է հետագա հաջողություններ Իրանի կառավարությանը եւ ժողովրդին»,- գրել է իրանական ԶԼՄ-ն։