Շնորհակալ եմ ԱՄՆ գաղտնի ծառայությանը, ցավակցում եմ զոհվածի ընտանիքին․ Թրամփի արձագանքն իր դեմ կատարված մшհափորձից հետո
![](https://regiontv.am/wp-content/uploads/2024/07/ae302210-b868-4e9b-908d-4e028225220d.jpg)
Դոնալդ Թրամփը իր դեմ կատարված մահափորձից հետո արձագանքել է տեղի ունեցածին․ «Ես ուզում եմ շնորհակալություն հայտնել ԱՄՆ գաղտնի ծառայությանը և բոլոր իրավապահ մարմիններին տեղի ունեցած հրաձգությանը արագ արձագանքելու համար:
Ցավակցում եմ հանրահավաքում զոհվածի ընտանիքին, ինչպես նաև մեկ այլ ծանր վիրավորի ընտանիքին։ Անհավանական է, որ դա կարող է տեղի ունենալ մեր եկրում»։
Հիշեցնենք, որ ԱՄՆ նախկին նախագահ Դոնալդ Թրամփի նախընտրական հանրահավաքի ժամանակ հրաձգություն է տեղի ունեցել, որի հետևանքով Թրամփը վիրավորվել է։ Հանրահավաքի առնվազն մեկ մասնակից զոհվել է, ևս երկուսը՝ վիրավորվել։
Միջադեպը տեղի է ունեցել հուլիսի 13-ի երեկոյան, Փենսիլվանիայի նահանգի Բաթլեր քաղաքում։
Գնդակը դիպել է Թրամփի աջ ականջի վերին հատվածին։ Նախկին նախագահի խոսնակը տեղեկացրել է, որ նրա հետ ամեն ինչ լավ է։
Ըստ գաղտնի ծառայությունների՝ հրաձիգը բարձր դիրքից մի քանի կրակոց է արձակել։