Ամասիայի Հայասա թաղամասի բնակիչները՝ առանց ջրի ապրելու ռեկորդակիրներ
Հունիս 29,2024 14:10
Ջրի խնդիրը Ամասիա գյուղի Հայասա թաղամասի բնակիչների համար ամենակարևորն է: Բնակիչների առօրյան երկար տարիներ անփոփոխ է. սկսվում ու ավարտվում է ջուր բերելով՝ ավտոմեքենաներով, ձեռքով, ծանոթների բակերից, տներից, բայց հիմնականում՝ ոչ հեռու գտնվող քարքարոտ ձորից: Կիլոմետրերով ճանապարհ են կտրում, որ իրենց տներ ջուր հասցնեն: Ու մինչև երբ, հայտնի չէ:
Կյանքն առանց ջրի շարունակել շատերն այլևս չկարողացան, տարիների ընթացքում լքեցին թաղամասը: Հիմա ընդամենը 13 ընտանիք է մնացել այնտեղ:
